काठमाडौ : प्रधानमन्त्री शेरबहादुर देउवाले राष्ट्रिय जनता पार्टीका नेताहरुलाई अधिक्तम सहमतिमा ल्याएर निर्वाचनमा सहभागी गराउने कसरत गरिरहनु भएको छ । प्रधानमन्त्री तथा मन्त्रिपरिषद कार्यालयमा देउवासहित सत्ता गठबन्धनका नेताहरु राजपाका नेताहरु वीच छलफल भइरहेको छ ।
‘हामी राजपालाई अधिक्तम सहमतिमा ल्याएर असार १४ गते स्थानीय तहको चुनाव सफलतापूर्वक सम्पन्न गराउने गरी अहिले छलफलमा छौ’देउवाले टवीट गर्नु भएको छ । सत्ता गठबन्धनसँग शनिवार भएको छलफलमा राजपाका नेताहरुले असार १४ गतेका लागि तोकिएको स्थानीय तहको दोस्रो चरणको निर्वाचनको मिति सार्न प्रस्ताव गर्नु भएको थियो । सत्ता गठबन्धनका नेताहरुले राजपाको प्रस्ताव अस्वीकार गर्नु भएको छ ।
राजपाले निर्वाचन अघि संविधान संशोधन गर्नु पर्ने माग राखेको छ भने प्रधानमन्त्री देउवाले चुनाव भन्दा पहिले संविधान संशोधन गर्न नसकिने बताउँदै आउनु भएको छ ।
प्रतिक्रिया दिनुहोस !
