फुटबलसँग कोका कोलाको अटुट सम्बन्ध

काठमाडौं : कोका कोला र खेल गतिबिधि बीचको सहकार्य कुनै नयाँ विषय होईन् । यस्तो सहकार्य वर्षौं वर्षदेखि भईरहेको छ । अझ विशेषगरी फुटबललको क्षेत्रमा कोका कोलाको सम्बन्ध र योगदान निकै ठूलो रहेको पाईन्छ । विश्व फुटबलको महाकुम्भ विश्वकप फुटबलदेखि स्थानीय स्तर सम्मका फुटबलका खेलहरुमा कोकाकोलाले सहकार्य गर्दै आएको छ । त्यसैले त फुटबल र कोका कोला एक अर्काका पर्यायबाची भएका छन् ।

नेपालको सन्दर्भमा पनि कोका कोलाले फुटबल क्षेत्रमा निकै योगदान गरिरहेको छ । पछिल्लो ८ वर्षदेखि हरेक वर्ष कोका कोलाले अखिल नेपाल फुटबल संघसँग मिलेर कोका कोला कप आयोजना गर्दै आएको छ । स्थानीय तहदेखि नै नेपाली फुटबलको विकास गर्न र विद्यार्थीहरुमा खेलको प्रतिभा विकास गर्दै आफ्नो सीपको प्रदर्शन गराई एक उच्चतहमा पुर्याउनको लागि, कोका कोला नेपालले अखिल नेपाल फुटबल संघसँग मिलेर नेपाली फुटबलको विकास गर्ने कोशिस गरिरहेको छ ।

कोकाकोला कपकालागि हरेक वर्ष नेपालको ४३ जिल्लाहबाट विद्यार्थीहरुको सहभागिता हुने गर्दछ, जसमा प्रत्येक जिल्लाबाट ३५ विद्यालयका विद्यार्थीहरु सहभागी हुन्छन् । कोका कोला कप नेपालको फुटबलको विकासमा कोशेढुंगाको रुपमा रहेको छ ।

बिगतमा, कोका कोला कपले नेपालको सशक्त राष्ट्रिय टोली निर्माण गर्न प्रतिभा उजागर गर्न सहयोग गरेको छ । खेलाडीहरु जस्तै विशाल राई, विकेस कुथु, रविन श्रेष्ठ, हेमन गुरुङ्ग, बिमल घर्तीमगर, आदित्य चौधरी, अनन्त तामाङ्ग र अन्जन बिष्टले बिगतमा कोका कोला कपमा खेलिसकेका छन् । नेपालकै सबैभन्दा वृहत र भव्य प्रतिस्पर्धाले नेपाली फुटबल प्रतिभालाई बाहिर चिनाउन पनि सहयोग पुगेको छ । यस्तै ग्रास रुट फुटबलको विकासमा ७५ भन्दा बढि देशहरुमा कोकाकोलाले सहकार्य गर्दै आइरहेको छ ।