राजपद्वारा संघीय समाजवादी फोरमको जनकपुर पार्टी कार्यालय घेराऊ

जनकपुरधाम : राष्ट्रिय जनता पार्टी नेपालका नेता कार्यकर्ताले उपेन्द्र यादव नेतृत्वको संघीय समाजवादी फोरम नेपालको जनकपुरस्थित पार्टी कार्यालय घेराउ गरेका छन् । निर्वाचनकोविरुद्धमा अनिश्चितकालीन आमहड्तालमा उत्रेको राजपाका कार्यकर्ता बुधबार बजार बन्द गराउनका लागि मोटरसाइकल जुलुस प्रर्दशन गर्दै जनकपुरको पिडारी चोकस्थित फोरमको पार्टी कार्यालय नजिक पुगेपछि विवाद भएको थियो ।

राजपाका कार्यकर्ताले बजार बन्द गराउँदै हिँडेपछि फोरमको पार्टी कार्यालयमा रहेका कार्यकर्ताले लठ्ठी लिएर बाहिर निस्केपछि आक्रोशित भएर राजपा कार्यकर्ता पण् कार्यालय घेराउ गरेको राजपा नेता संजय सिंहले बताउनुभयो ।

फोरम र राजपा कार्यकर्ताबीच केहीबेर तनावको अवस्था सृजना भई झडप हुने सम्भावना समेत बढेको थियो तर, प्रहरीले अत्याधिक संख्यामा सुरक्षाकर्मी परिचालन गरेपछि अवस्था सामान्य भएको हो । हाल राजपा कार्यकर्ता फोरमको कार्यालय भएको स्थानबाट हटिसकेका छन् ।