कोरियामा फेरी एक नेपालीको निधन

कोरिया : कोरियामा पछिल्लो हप्ता औधोगिक दुर्घटनामा परी घाइते हुने र ज्यान गुमाउनेको संख्या बढ्न लागेको छ । झन्डै एक साताको अवधिमा दुई जनाको दुर्घटनामा र दुई जनाले झुन्डिएर आत्महत्या गरेका छन् ।

बिहीबार बिहान दुई बजे उल्सानको देउ कम्पनिमा कार्यरत लाल बहादुर थापाको उपचारका क्रममा निधन भएको छ । केही दिन मात्र पर्वतका राजकुमार विकको कम्पनीमा काम गर्दै गर्दा दुर्घटनामा मृत्यु भएको थियोे ।

बुधबार दिउँसो कार्यस्थलमै करिब ६ मिटर उचाइबाट लडेर भूइमा झरी घाइते भएका थापाको अस्पतालमा उपचारका क्रममा राती नै निधन भएको हो । भुइमा पछारिन पुगेका थापाको एक भागमा गम्भीर चोट लागेको थियो । गम्भीर घाइते थापालाई नजिकैको स्थानीय अस्पतालले अर्को बुसान अस्पतालमा रिफर समेत गरेको उनका साथिले बताएका छन। यद्यपि त्यो अस्पतालका चिकित्सकले थापालाई २ बजे मृत घोषणा गरेको डेउ नेपाली एकता समाजका अध्यक्ष अंशुवर्मा लिम्बुले बताउनु भयो ।

सिविटी परिक्षा दिएर पुनः कोरिया आएका बुटवल निवासी २९ वर्षीय थापाका एक छोरा र श्रीमती रहेका छन् ।

कोरियमा झन्डै दुई साताको अवधिमा चार नेपालीको मृत्युु भएको छ । तीन दिन अघि मात्र थेगु स्थित एक सिरक बनाउने कम्पनीमा कार्यरत दोलखाका २२ वर्षीय समुन्द्र केसीले आत्माहत्या गरेका थिए । थेगुमै गोरखाका २२वर्षका सुनिल अधिकारि झुन्डिएर आत्मत्या गरेका थिए ।

ईपीएस मार्फत रोजगारिका लागि कोरिया आएका नेपालीको औधोगिक दुर्घटना, डिप्रसनमा परेर, झुन्डिएर आत्महत्या र सुतेको अवस्थामा ह्दयघात भएर मृत्युु हुने क्रम बढेपछि यहाँ कार्यरत नेपाली चिन्तित बनेका छन् ।