सन्धिखर्कलाई समृद्ध बनाउने कांग्रेसको घोषणा
अर्घाखाँची: सन्धिखर्क नगरपालिकालाइ समृद्ध र नेपालकै नमुना शहर बनाउने गरि नेपाली कांग्रेसले घोषणा पत्र सार्वजनिक गरेको छ। सन्धिखर्क नगरपालिकालाइ ग्रिन सिटी बनाउने तथा बैदेसिक रोजगारीमा गएका युबाहरुलाई स्वदेशमै कृषि तथा पर्यटनको माध्यमबाट स्वरोजगार बनाउने कार्यक्रम सहितको घोषणा पत्र सार्वजनिक भएको छ।
सन्धिखर्कको साथी होटलमा पत्रकार सम्मेलनको आयोजना गरि नगरपालिकाका मेयर पदका उम्मेद्धार कमल प्रसाद भुसालले सन्धिखर्क नगरलाइ समृद्ध, स्वस्थ र सभ्य नगर बनाउने सहितको घोषणा पत्र सार्वजनिक गर्नु भएको हो।
आफ्नो कार्यकालमा नगरलाइ दुध, मासु, तरकारी र अण्डामा निर्भर बनाउने, प्रत्येक वडामा सस्तो तथा सुपथ मुल्यको पशल सञ्चालन गर्ने, सन्धिखर्कका सबै घरमा एक घर एक धाराको ब्यबस्था गर्ने पनि घोषणा पत्रमा समावेस गरिएको छ।
सुपा देउराली, अर्घा, खाँची तथा मथुराबेसीलाई धार्मिक पर्यटकीय स्थलको रुपमा विकास गर्ने, केवलकारको सम्भाब्यताको अध्यन गरि अर्घा , खाँची र सुपा देउरालीमा केवलकार सञ्चालन गरिने छ।
न्गरका विभिन्न वडाहरुमा ब्यबसायीक कृषि, पशुपालन र पर्यटनको माध्यमबाट आत्मनिर्भर बनाउने, र घर आगनमै मेरो मेयर कार्यक्रम सञ्चालन गरिने पनि घोषणा पत्रमा समावेस गरिएको छ।
घोषणापत्र सार्वजनिक कार्यक्रममा मन्तब्य राख्दै नेपाली कांग्रेसका नेता तथा पुर्ब मन्त्री रेवती प्रसाद भुसालले संबिधान कार्यन्वयन गर्ने र परिबर्तन सस्थागत गर्न कांग्रेस विना असम्भव हुने बताउनुभयो। उहाले कांग्रेस विना स्थानीय तहको विकास असम्भव भएको बताउदै कांग्रेसले जिते पछि समृद्ध शहर बनाउने बताउनुभयो।
नेपाली कांग्रेसका जिल्ला सभापति बिष्णु प्रसाद खनालले कांग्रेसको किल्ला अर्घाखाँची भएकोले कांग्रेसलाई जिताउन सबै नगरवासि लागि परेको बताउनु भयो । उहाँले अर्घाखाँचीको विकास निर्माणमा कांग्रेसको भुमिका प्रमुख रहेको बताउनुभयो।
कार्यक्रममा पूर्व केन्द्रिय सदस्य महेन्द्र भुसाल, कांग्रेस नेता हिम्मत टण्डन, सन्धिखर्क नगरपालिकाको उपमेयर पदका उम्मेद्धार कमला अचार्य, कांग्रेस जिल्ला सदस्य नेत्र भटराइ, सिता भुसाल, दलित संघका जिल्ला अध्यक्ष मणिराम परियार लगायतले मन्तब्य राख्दै कांग्रेसले कसैलाइ झुठा आश्वासन नदिने गर्न सकने काम मात्र घोषणा पत्रमा समावेस गरेको बताएका छन्।
कार्यक्रम सन्धिखर्क नगरिपालिका कांग्रेसका सचिव युवराज खत्रीको अध्यक्षता, र सुर्य भुसालको सञ्चालनमा सम्पन्न भएको हो ।
प्रतिक्रिया दिनुहोस !
