चुनाव सार्ने निर्णय मुलुक बिभाजनको मानसिकता तयार गर्ने गम्भीर अपराध : एमाले

 काठमाडौ : प्रमुख प्रतिपक्षी दल नेकपा एमालेले प्रदेश नम्बर २ को निर्वाचन असोज २ गतेका लागि सार्ने कदमले संविधान कार्यान्वयनमा गम्भीर धक्का लागेको बताएको छ । सो घटनाले बिखण्डनकारी तत्वहरुको मनोबल बढाएको र राष्ट्रिय एकता कमजोर पारेको निष्कर्ष पनि एमालेले निकालेको छ ।

‘प्रदेश नम्बर २ मा निर्वाचन पछि सार्ने कदमले त्यहा“का जनताको आफ्ना प्रतिनिधि आफै“ छानेर स्थानीय सरकारको अभ्यास गर्ने अधिकार मात्र कुण्ठित गरेको छैन, संविधान कार्यान्वयनमा गम्भीर धक्का पु¥याएको छ । यस घटनाले मुलुकको राष्ट्रिय एकतालाई कमजोर बनाउनुका साथै विखण्डकारी तत्वहरुको मनोबल बढाएको छ’ एमाले सचिव योगेश भट्टराईले जारी गरेको प्रेस बिज्ञप्तिमा भनिएको छ ‘कुनै ठोस कारण र औचित्यबिना निर्वाचन पर सारेर वर्तमान सत्तारुढ गठबन्धनले मुलुकमा विभाजनको मानसिकता तयार गर्ने गम्भीर अपराध गरेको छ ।’

असार १४ गतेका लागि प्रदेश नम्बर १, २, ५ र ७ मा निर्धारित स्थानीय निर्वाचनमध्ये प्रदेश नम्बर २ को निर्वाचन पछाडि सार्ने निर्णयप्रति आपत्ति जनाएको एमालेले पटक–पटकका वार्ताहरुमा आफनो पार्टीले कुनै पनि हालतमा निर्वाचन सार्न नहुने कुरामा जोड दि“दै आएको स्मरण गराएको छ । ‘सुरुमा एकै चरणमा ३१ वैशाखका लागि निर्धारित निर्वाचनमध्ये चार वटा प्रदेशमा जेठ ३१ मा निर्वाचन गर्ने निर्णयलाई नै हाम्रो पार्टीले शंकाका दृष्टिले हेर्दै यसले देशलाई संकटमा लैजाने ठहर गरेको थियो ’ बिज्ञप्तिमा भनिएको छ ‘पछि असार ९ र १४ मा निर्वाचन सार्दा पनि सरकारको उद्देश्य निर्वाचन गराउनमा भन्दा मुलुकलाई अनिश्चततातर्फ लैजानमा केन्द्रित थियो भन्ने कुरा यस घटनाले पुष्टि गरेको छ ।’

संविधान र लोकतान्त्रिक प्रणाली कार्यान्वयनमा आघात पु¥याउने यस कदमका विरुद्ध सचेत रह“दै प्रदेश नम्बर २ मा पार्टीका नियमित कामहरु अघि बढाउन मातहत कमिटीहरुलाई एमालेले निर्देशन दिएको छ । ‘हाम्रो पार्टी प्रदेश नम्बर १, ५ र ७ मा असार १४ गते हुने निर्वाचनमा सक्रियतापूर्वक लाग्न आमजनसमुदाय, पार्टीका मातहत कमिटी तथा नेता–कार्यकर्ताहरुलाई आह्वान गर्दछ’ बिज्ञप्तिमा भनिएको छ ।