क्यानभास टुको पुनरागमन

काठमाडौं : माइक्रोम्याक्सको सफल उत्पादन क्यानभास टु स्मार्टफोनको पुनरागमन भएको छ । क्यानभास टुले विश्व स्मार्टफोनको बजारमा पाएको सफलतालाई मध्यनजर गर्दै कम्पनीले यो स्मार्टफोनको नयाँ भर्जन ‘क्यानभास टु २०१७' सार्वजनिक गरेको हो । पहिलो पटक सन् २०१२ मा सार्वजनिक भएको क्यानभास टुलाई परिमार्जित गर्दै कम्पनीले नयाँ प्रविधि र आकर्षण डिजाइनका साथ १५ हजार तीन सय रुपैयाँ मूल्यमा नेपाली बजारमा भित्राएको छ ।

सन् २०१२ मा पहिलो पटक सार्वजनिक भएको क्यानभास टु विश्व बजारमा आठ लाखभन्दा बढी बिक्री भएको थियो । मिड रेन्जको स्मार्टफोनको रूपमा सन् २०१२ मा सार्वजनिक भएको क्यानभास टु माइक्रोम्याक्स ब्रान्डकै एउटा उत्कृष्ट उत्पादनका रूपमा हेरिएको छ । त्यस समय यसमा प्रयोग भएको प्रविधिले ग्राहकलाई आकर्षण गरेको थियो । त्यसलाई अझ परिष्कृत गर्दै कम्पनीले नयाँ भर्जन ‘क्यानभास टु २०१७' सार्वजनिक गरेको हो ।

केही सयमअघि विश्व बजारमा सार्वजनिक भएको क्यानभास टु २०१७ पाँच दिनअघिमात्र नेपाली बजारमा माइक्रोम्याक्सको आधिकारिक आयातकर्ता तथा वितरक पशुपति ट्रेडलिंक प्रालिले यसलाई बजारमा ल्याएको हो । भित्रिएको केही समयमै यो स्मार्टफोनले विश्व बजारका साथै नेपाली बजारमा समेत चर्चा बटुलीसकेको बताउनुहुन्छ पशुपति ट्रेडलिंक प्रालिका नेसनल सेल्स म्यानेजर भुपाल क्षेत्री । उहाँका अनुसार पहिले यसमा प्रयोग भएको स्क्रिन सबैको चासोको विषय बनेको छ । नफुट्ने (अनब्रेकेबल) स्क्रिनका साथ बजारमा आएको क्यानभास टु २०१७ लाई ‘कर्निङ गोरिल्ला ग्लास ५' मार्फत सुरक्षित गरिएको छ जुन मिड रेन्जको स्मार्टफोनमा पहिलो पटक प्रयोगमा आएको हो ।

फोनको स्क्रिन सुरक्षित राख्न ‘कर्निङ गोरिल्ला ग्लास ५ को साथमा स्पोर्टिङ २.५डी कभर ग्लास प्रयोग भएको छ । स्पोर्टिङ २.५डी कभर ग्लास अन्य ग्लासको तुलनामा चार गुणा बढी सुरक्षित हुन्छ । कम्पनीले स्मार्टफोनमा प्रयोग भएको स्क्रिन सुरक्षाको प्रत्याभूतिका लागि एक वर्षसम्म स्क्रिनमा वारेन्टी प्रदान गर्ने क्षेत्रीले जानकारी दिनुभयो ।

बजेटअनुकूल फोनको रूपमा बजारमा आएको क्यानभास टु २०१७ को मुख्य आकर्षण यसमा प्रयोग भएको तीन जीबी र्‍याम हो । स्पोर्ट्स ए ५ इन्चको एचडी डिस्प्ले प्रयोग भएको स्मार्टफोनमा १६ जीबी रोम छ । यसलाई एसडी कार्डको प्रयोग गरी ६४ जीबीसम्म विस्तार गर्न सकिने कम्पनीले जनाएको छ । एन्ड्रोइडको पछिल्लो भर्जन ओएस एन्ड्रोइड ७.० मा आधारित यो स्मार्टफोन क्वाड–कोर १.३ गिगाहर्ज (मिडियाटेक ६७३७) प्रोसेसरबाट सञ्चालित छ । यसले प्रयोगकर्तालाई स्मार्टफोन प्रयोगको नयाँ अनुभव प्रदान गर्नेछ ।

एकैपटकमा धेरैवटा एप्ससँग घुलमिल हुने अवसर पनि प्रदान गर्नेछ । यो स्मार्टफोनमा प्रयोग भएको ‍र्‍याम, रोम, ओएस र प्रोसेसर यो प्राइस सेग्मेन्टको स्मार्टफोनमै उत्कृष्ट हो । डिजाइनको आधारमा हेर्ने हो भने अगाडिको भागको ग्लास स्क्रिन र मेटलवडीले यो स्मार्टफोनलाई प्रिमियर स्मार्टफोनको रूपमा प्रस्तुत गरेको छ । सुरक्षाका लागि अगाडिको भागमा प्रयोगमा ल्याइएको फिंगर प्रिन्ट सेन्सरले स्मार्टफोनलाई अझ प्रभावकारी तुल्याएको छ ।
फ्ल्याससहित १३ मेगापिक्सेल रियर क्यामरा रहेको यो स्मार्टफोनमा पाँच मेगापिक्सेलको फ्रन्ट क्यामेरा छ । क्यामरामा बोके, प्यानोरोमा र एचडीआर जस्ता विभिन्न मोड उपलब्ध छन् जसले क्यामरामा रमाउन चाहने प्रयोगकर्तालाई नयाँ अनुभव प्रदान गर्ने कम्पनीले जनाएको छ ।

कनेक्टिभिटीको आधारमा स्मार्टफोनले फोरजी (एलटीई) नेटवर्क सपोर्ट गर्नेछ । यसमा वाइफाइ, ब्लुटुथ र जीपीएसलगायत फिचर्स छन् । डबल सिमको साथ आएको यो स्मार्टफोनमा झिक्न नमिल्ने ३०५० एमएएच क्षमताको ब्याट्री प्रयोग भएको छ जसले एक पटकको चार्जमा स्मार्टफोनलाई लामो समयसम्म टिक्न मद्दत गर्छ । यो स्मार्टफोन लामो यात्रामा जाने पर्यटकका लागि उपयुक्त हुने कम्पनीले जनाएको छ । यो स्मार्टफोन कालो र गोल्ड गरी दुई रंगमा बजारमा आएको छ । ‘मिड सेगमेन्टका स्मार्टफोनका लागि यो उदाहरणीय छ', क्षेत्री भन्नुहुन्छ, ‘मूल्यमा अन्य स्मार्टफोनभन्दा सस्तो भए पनि फोनमा प्रयोग भएको प्रविधि र बनावटका आधारमा कुनै कमी छैन । कम्पनीले आफ्नो ब्रान्डको पहिचानको रूपमा रहेको गुणस्तरीयतालाई यो स्मार्टफोनमा समेत निरन्तरता दिएको छ ।

माइक्रोम्याक्स क्यानभास टु
मोडल : क्यू४३१०
डिस्प्ले : ५.० इन्च
प्रोसेसर : क्वाड–कोर १.३ गिगाहर्ज
फ्रन्ट क्यामरा : १३ मेगापिक्सेल
रियर क्यामरा : ५ मेगापिक्सेल
रिजोलुसन : ७२० गुणा १२८० पिक्सेल
र्‍याम : ३ जीबी
ओएस : एन्ड्रोइड ७.०
स्टोरेज : १६ जीबी
ब्याट्री : ३०५० एमएएच