महानायक राजेश हमाल अभिनयमा लागेको २५ वर्षभन्दा धेरै भइसकेको छ । यसबीचमा उनले सैयौं चलचित्रमा अभिनय गरे । म्युजिक भिडियो, विभिन्न ब्रान्डका विज्ञापनमा पनि उत्तिकै रुचाइएका अभिनेता हुन् हमाल । लामो समय पर्दामा एकछत्र छाएका राजेश सामाजिक रूपमा पनि त्यत्तिकै प्रतिष्ठित मानिन्छन् । चलचित्र वा कलाक्षेत्रसँग सम्बन्धित कुनै पनि कार्यक्रममा उनको उपस्थिति भव्यताको सूचकजस्तै मानिन्छ ।
लामो अभिनय यात्राका क्रममा हमालले दर्जनौं अभिनेत्री एवं मोडेलसँग अन्स्क्रिन रोमान्स गरेका छन् । तर उनले पहिलो पटक पत्नी मधुसँग ब्ह्लि ओकेको विज्ञापनमा एकसाथ काम गरेका छन् । मधुले आफूलाई अभिनयमा रुचि नभएको पहिले नै स्पष्ट पारेकी थिइन् तापनि उनले ब्ह्लि ओकेको विज्ञापनमा काम गरेकी छन । त्यत्तिमात्रै होइन यसका लागि पति हमालसँग अभिनयका बारेमा टिप्स पनि लिएकी छन् । मधुले किन अभिनय गरिन् त पति हमालका साथ ब्ह्लि ओकेको विज्ञापनमा ? 'मैले ब्ह्लि ओकेको विज्ञापनमा हुन्छ भने किनकि यो युनिलिभर नेपालको विश्वासिलो ब्रान्ड हो', मधुले भनिन, 'युनिलिभर नेपालको धेरैजसो प्रोजेक्ट राम्रो उद्देश्यका लागि हुने भएकोले म निर्धक्क भएर यस आबद्ध भएकी हुँ ।'
महानायक हमालले पनि पत्नीसँग अभिनय गर्दा रमाइलो अनुभव बटुले । 'आफूले विश्वास गरेको ब्रान्डसँग काम गर्दैछौं', हमालले भने, 'ब्ह्लि ओकेसँगको यो आबद्धता मेरो लागि अझ विशेष छ किनकि यसमा म र मधुले पहिलो पटक सँगै काम गरेका छौं ।' घर-गृहस्थीमा सबैलाई आवश्यक पर्ने उत्पादन भएकाले यसमा काम गरेको हमालको भनाइ छ । 'मधुको पहिलो प्रयास हो । उनलाई अभिनयमा रुचि छैन तर पनि ब्ह्लि ओकको विज्ञापनमा पहिलो पटक अभिनय गरेकी छन्', हमालले भने ।
राजेश र मधुको पहिलो भेट युनिलिभर नेपालको कार्यक्रम लक्स ब्युटी कन्टेस्टमा भएको थियो । यसले पनि मधुलाई युनिलिभर नेपालको ब्ह्लि ओकेका लागि काम गर्न प्रेरित गरेको उनको भनाइ छ । 'मैले राजेशलाई पहिलो पटक लक्स ब्युटी कन्टेस्टमा भेटेको हुँ । जुन युनिलिभर नेपालकै कार्यक्रम थियो', मधुले भनिन्, 'अहिले सोच्दा उहाँसँगको मेरो यात्रा युनिलिभरसँगै सुरु भएको भन्न सक्छ ।'
प्रतिक्रिया दिनुहोस !
