सिरहाको गोलबजारमा प्रहरी चढेको बस तोडफोड
सिरहा : निर्वाचन बिथोल्ने गरी तराई मधेशको बन्द आव्हान गरेको राष्ट्रिय जनता पार्टी नेपालका कार्यकर्ताहरुले शुक्रबार बिहान सिरहाको गोलबजारमा प्रहरी चढेको बस तोडफोड गरेका छन् ।
प्रहरी चढेको ना.४ख १४४० नम्बरको डिलक्स बस पश्चिमबाट सुनसरीतिर आउदै गरेको समयमा बिहान सवा ८ बजेतिर गोलबजारको मुख्य चोकदेखि करिब एक सय मिटर पूर्वतिर ढुङ्गा प्रहार गरी तोडफोड गरेका हुन् । आन्दोलनकारीको ढुङ्गा लागेर बसको अघिल्लो भागको सिसा पूरै फुटेको छ । इलाका प्रहरी कार्यालय गोलबजारका प्रमुख प्रहरी निरीक्षक राजेन्द्र कुमार उपाध्यायका अनुसार ढुङ्गा हान्नेमध्ये एक जनालाई नियन्त्रणमा लिइएको छ ।
प्रतिक्रिया दिनुहोस !
