अमेरिकी युद्धपोत र मालबाहक जहाज जुद्धा सात अमेरिकी सैनिक समुँद्रमा वेपत्ता

एजेन्सी : जापानको समुद्री तटमा अमेरिकी युद्धपोत एक मालवाहक जाहजसँग ठक्कर खाँदा सात अमेरिकी नौसेना वेपत्ता भएका छन् । जापानको पूर्वी समुँद्री तटमा अमेरिकी युद्धपोत फिलिपिनो मालवाहक जहाजसँग ठक्कर खाँदा युद्धपोतमा क्षति पुग्नुकासाथै सात अमेरिकी जलसैनिक वेपत्ता भएका हुन् ।

स्थानीय समय अनुसार शनिबार रातको साढे २ बजे घटना घटेको थियो । संसारकै एक उन्नत युद्धपोतको रुपमा मानिने फिट्जेराल्ड नामको अमेरिकी युद्धपोत करीब ३० हजार टन मालसामान बोकेर हिडिरहेको फिलिपिनो जहाजसँग ठक्कर खान पुगेको थियो ।

के कारण युद्धपोत मालवाहक जहाजसँग ठक्कर खान पुगेको हो पुष्टि नभएको बताइएको छ । अमेरिकी र जापननी जल सेनाको टोलीले हराइरहेका अमेरिकी नौसैनिकको खोजी गरिरहेका छन् ।