च्याम्पियन्स ट्रफी फाइनल : पाकिस्तानले भारतलाई दियो ३३९ रनको चुनौती
असार ४, २०७४ आइतबार १८:५८:०
काठमाडौं : आईसीसी च्याम्पियन्स ट्रफी अन्तर्गत फाइनल खेलमा पाकिस्तानले भारतलाई ३३९ रनको चुनौती दिएको छ। यो चुनौती च्याम्पियन्स ट्रफीको यो सिजनकै सर्वाधिक रनको हो ।
पहिले ब्याटिङका लागि आएको पाकिस्तानले पूरा ओभर खेल्दै ३ सय ३८ रन बनाएको हो । पाकिस्तानका लागि फखार जमानले शतक प्रहार गर्दै १ सय १४ रन बनाए भने अहजर अली र मोहम्मद हफिजले अर्धशतक प्रहार गरे । भारतले पाकिस्तानको ४ विकेट हात पारेको छ।
अलि ७१ बलमा ५९ रन बनाएर रन आउट भए । फखार जमानले ९२ बल खेल्दै शतक प्रहार गरे । उनी हार्दिक पाण्डेको बलमा जडेजाबाट क्याच आउट भए ।
उनले १०६ बलम शानदार ११४ रन बनाए । शोहिव मल्लिक सस्तैमा आउट भए । बाबर अजाम ४६ रनमा आउट भए । उनी ४ रनले अर्धशतक बनाउनबाट रोकिए। केदार जादवले उनलाई पेवेलियन फर्काए ।
अर्का ब्याट्सम्यान हफिजले बिष्फोटक व्याटिङ गर्दै नटआउट ५७ रन बनाए । पाकिस्तानले दिएको चुनौतीको जवाफ भारतले केही बेरमा दिँदै छ ।
प्रतिक्रिया दिनुहोस !
