काठमाडौंः च्याम्पियन्स ट्रफीको फाइनल खेलमा भारत दवावमा आएको छ। भारतका महत्वपूर्ण ब्याट्सम्यान रोहित शर्मालाई पहिलो ओभरको पहिलो बलमै गुमाएपछि भारत दबाबमा आएको भारत कप्तान विराट कोहली ५ रनमै आउट भएपछि थप दबाबमा परेको छ ।
ओपनिङ ब्याट्सम्यान शर्मालाई शून्य रनमै गुमाएको कोहली पनि सुरुवातमै आउट भएका हुन् । भारतका दुई महत्वपूर्ण ब्याट्सम्यान ३ ओभर पुरा नहुँदै ६ रनमा आउट भएका हुन् । शर्मा र कोहली प्रतियोगितामा उत्कृष्ट लयमा थिए। पाकिस्तानले भारतलाई यो सिजनको च्याम्पियन्स ट्रफीमा सर्वाधिक ३ सय ३९ रनको चुनौती दिएका छ।
पहिले ब्याटिङ गरेको पाकिस्तानले पूरा ओभर खेल्दै ३ सय ३८ रन बनाएको छ। पाकिस्तानका लागि फखार जमानले शतक प्रहार गर्दै १ सय १४ रन बनाए भने अहजर अली र मोहम्मद हफिजले अर्धशतक प्रहार गरे । भारतले पाकिस्तानको ४ विकेट लिएको थियो।
अलि ७१ बलमा ५९ रन बनाएर रन आउट भएका थिए भने फखार जमानले ९२ बल खेल्दै शतक प्रहार गरे । उनी हार्दिक पाण्डेको बलमा जडेजाबाट क्याच आउट भए । उनले १०६ बलम शानदार ११४ रन बनाए ।
शोहिव मल्लिक सस्तैमा आउट भए । बाबर अजाम ४६ रनमा आउट भए । उनी ४ रनले अर्धशतक बनाउनबाट रोकिए। केदार जादवले उनलाई पेवेलियन फर्काए । अर्का ब्याट्सम्यान हफिजले बिष्फोटक व्याटिङ गर्दै नटआउट ५७ रन बनाएका थिए।
प्रतिक्रिया दिनुहोस !
