आजदेखि नेपालमा हुने एपीएल क्रिकेटको प्रत्यक्ष प्रसारण
काठमाडौं : आजदेखि त्रिवि क्रिकेट मैदान कीर्तिपुरमा सुरु हुने चर्चित एसियन प्रिमियर लिग(एपीएल) क्रिकेटको 'एपी वन एच डी टेलिभिजन'ले प्रत्यक्ष प्रसारण गर्ने भएको छ । सोमबार दिउँसो २ बजेबाट औपचारिक रुपमा सुरु हुने एपीएल प्रतियोगिताका खेलहरुको प्रत्यक्ष प्रसारण 'एपी वन टेलिभिजन'ले गर्न लागेको हो ।
एपी वन टेलिभिजनका समाचार प्रमुख टिकाराम यात्रीका अनुसार एपीएल प्रतियोगिताका सबै खेलहरु एपी वन टेलिभिजनले प्रत्यक्ष प्रसारण गर्न आयोजकसँग सम्झौता भइसकेको छ । उक्त प्रतियोगिताको प्रत्यक्ष प्रसारण गर्ने 'एपी वन' एक मात्रै नेपाली टेलिभिजन रहेको पनि यात्रीले जानकारी दिनुभयो।
क्रिकेट कन्ट्रोल बोर्ड अफ चण्डीगढ पञ्जाब (भारत) को आयोजनामा हुने उक्त प्रतियोगितामा नेपालसहित भारत, अफगानिस्तान, दुबई, श्रीलंका र बंगलादेशका टोलीको सहभागिता रहनेछ ।
प्रतिक्रिया दिनुहोस !
