फिदिम: घुस लिंदै गर्दा जिल्ला शिक्षा कार्यालय पाँचथरका सव इञ्जिनियर मनोज कुमार यादलाई मंगलबार शिक्षा कार्यालयबाटै अख्तियार दुरुपयोग अनुसन्धान आयोगको टोलीले पक्राउ गरेको छ । एक विद्यालयका प्रधानाध्यापकबाट एक लाख २५ हजार रुपैंया घुस लिँदै गर्दा इटहरीबाट खटेको अख्तियारको टोलीले यादवलाई पक्राउ गरेको हो ।
२०७० सालमा पाँचथरको एक विद्यालयमा चार कोठे पक्की भवन निर्माणका लागि जिल्ला शिक्षा कार्यालयबाट २४ लाख बजेट छुट्याईएको थियो । ३० प्रतिशत रकम समुदायबाट उठाएर भनव निर्माण गर्नुपर्ने भएपनि उक्त रकम समुदायबाट नउठेपछि निर्धारीत समयमा भवन निर्माणको काम सम्पन्न हुन सकेको थिएन ।
समयमै भवन सम्पन्न नभएपछि जिल्ला शिक्षा कार्यालयले एक लाख ६० हजार रुपैँया रोक्का गरेको थियो । रोक्का भएको रकम निकास गर्न र भवनको प्राविधिक रिर्पोट तयार पारिदिने भन्दै यादवले विद्यालयका प्रअबाट एक लाख २५ हजार रुपैँया घुस मागेका थिए । प्रअबाट घुस लिदै गर्दा अख्तियारको टोलीले यादवलाई पक्राउ गरेको हो ।
प्रतिक्रिया दिनुहोस !
