प्रधानमन्त्री र राजपा नेताहरुबीच वार्ता सुरु
काठमाडौंः स्थानीय निर्वाचन बहिस्कार गरी आन्दोलनमा रहेको राष्ट्रिय जनता पार्टीका शीर्ष नेताहरु र प्रधानमन्त्री शेरबहादुर देउवाबीच वार्ता सुरु भएको छ । सिंहदरवारस्थित प्रधानमन्त्री कार्यालयमा जारी वार्तामा राजपा अध्यक्ष मण्डलका सदस्य महन्थ ठाकुर र अनिल झा सहभागि हुनुहुन्छ ।
राजपालाई सहमतिमा ल्याउन सरकारले पटक पटक निर्वाचनको मिति सारेपनि राजपा निर्वाचनमा सहभागि नभएपछि सरकारले दुई नम्बर प्रदेशको स्थानीय चुनाव असोज २ गतेका लागि तोकेको छ ।
राजपा नेताहरुसंग संविधान संशोधनका विषयमा प्रधानमन्त्रीले छलफल गरिरहनुभएको बताइएको छ । प्रधानमन्त्री देउवा राजपालाई जसरी पनि सहमतिमा ल्याएर निर्वाचन गराउने पक्षमा हुनुहुन्छ ।
प्रतिक्रिया दिनुहोस !
