'निर्वाचन सारेर राज्यको शक्ति दुरुपयोग'
बर्दिया : नेकपा एमालेका उपाध्यक्ष वामदेव गौतमले सरकारले निर्वाचनको मिति सारेर राज्यको शक्ति दुरुपयोग गरेको वताउनु भएको छ । स्थानीय तह निर्वाचनका क्रममा प्रदेश नम्वर ५ अन्र्तगत बर्दियामा पार्टीको प्रचारमा आउनु भएका गौतमले सो कुरा वताउनु भएको हो ।
प्रेस चौतारी बर्दियाले राखेको पत्रकार सम्मेलनमा वोल्दै नेता गौतमले एमाले नयाँ सरकार वनाउने खेलमा नलागेको प्रष्ट्याउँदै सरकार ढाल्ने र बनाउने आफूहरुको कुनै सोँच नरहेको स्पष्ट पार्नुभयो ।
गठवन्धन गरी एमालेले सरकार परिवर्तन गराउने भन्ने हल्ला निराधार रहेको खण्डन गर्दै उहाँले त्यस्ता हल्लाको पछि नलाग्न आग्रह समेत गर्नुभयो । अहिलेको सरकारले २ नम्वर प्रदेशको निर्वाचन तेश्रो चरणमा घोषणा गरेको प्रति असन्तुष्टि जनाउँदै राज्यले दम्भको वलमा शक्ति दुरुपयोग गरेको उहँको आरोप थियो ।
दोश्रो चरणको मनोनय दर्ता मिति २ गते भएपनि ४ गते पुर्याएको र प्रदेश नम्वर २ मा हुने निर्वाचन असोज २ गते पुर्याएको भन्दै पूर्व गृहमन्त्री समेत रहनु भएका गौतम्ले सरकारको चर्को आलोचना गर्नु भएको थियो ।
प्रतिक्रिया दिनुहोस !
