काठमाडौं : रुसमा जारी फिफा कन्फिडेरेशन कप फुटबलका बिहीबार रातिका खेलमा अस्ट्रेलिया र क्यामरुनबिचको खेल १-१को बराबरीमा सकिएयो भने अर्को खेलमा चिली र जर्मनी बीचको खेल पनि बराबरीमै टुङ्गिएको छ ।
अस्ट्रेलिया र क्यामरुनबिचको खेलमा क्यामरुनले पहिलो हाफको इन्जुरी समयमा गोल गर्दै अग्रता लिएको थियो । अष्ट्रेलियाले ६० औँ मिनेटमा पेनाल्टीमार्फत बराबरी गोल फर्कायो । त्यसपछि कुनै टोलीले गोल गर्न नसक्दा खेल बराबरीमै सकियो
त्यसैगरी समूह 'बी' कै अर्को खेलमा मा कोपा अमेरिकाको विजेता टोली चिली र विश्व विजेता टोली जर्मनीबिचको खेलमा चिलीले छैटौं मिनेटमा गोल गरी अग्रता बनाएको थियो । जर्मनीले ४१ औँ मिनेटमा बराबरी गर्न सफल हुँदा खेल १-१ को बराबरीमा टुङ्गियो ।
समूह 'बी' मा ४ अंकसहित चिलि शीर्ष स्थानमा छ । समान ४ अंक रहेको जर्मनी गोल अन्तरका आधारमा दोस्रोमा रहेको छ । एक एक अंक रहेको अष्ट्रेलिया तेस्रोमा र क्यामरुन चौथो स्थानमा रहेका छन् ।
प्रतिक्रिया दिनुहोस !
