कांग्रेसको नेतृत्वमा मात्र देश विकास: आचार्य
धरान: नेपाली कांग्रेसका केन्द्रीय सदस्य महेश आचार्यले कांग्रेसले मात्र देश विकास गर्ने दावी गर्नुभएको छ । उहाँले कांग्रेसको नेतृत्वमा सरकार बने अबको दश बर्षमा विकासमा कायापलट हुने समेत उल्लेख गर्नुभयो ।
दोस्रो चरणको निर्वाचनका क्रममा कांग्रेस धरानले आयोजना गरेको चुनावी सभालाई भानुचोकमा सम्बोधन गर्दै पूर्व मन्त्री समेत रहनुभएका नेता आचार्यले कांग्रेसले मात्र देशलाई सहि बाटोमा हिडाउन सक्ने दावी गर्नुभयो । उहाँले अबको दश बर्षमा नेपाल छिमेकी भारत भन्दा बढी विकसित हुने दावी गर्दै त्यसका लागि कांग्रेस चुनावमा विजयी हुनुपर्ने बताउनुभयो ।
नेकपा एमालेले साम्प्रदायीक द्धेष फैलाउने खालका गतिविधि गरिरहेको आरोप लगाउँदै नेता आचार्यले एमालेतर्फ संकेत गर्दै कुनै एक समुदायको विरोध गरेर अर्काे समुदायलाई समर्थन गर्ने कुरा राष्ट्रवाद हुन नसक्ने टिप्पणि गर्नुभयो ।
प्रतिक्रिया दिनुहोस !
