नेपाल कम्युनिस्ट पार्टीका डोटी ईन्चार्ज पक्राउ
डोटी : बिप्लब नेतृत्वको नेपाल कम्युनिस्ट पार्टीका डोटी जिल्ला ईन्चार्ज विवेक कुमाललाई प्रहरीले पक्राउ गरेको छ । स्थानीय तहको निर्वाचनलाई मध्यनजर गर्दै बिप्लब नेतृत्वको नेपाल कम्युनिष्ट पार्टीका नेता तथा कार्यकर्ता माथि प्रहरीले निगरानी बढाउँदै आईरहेको थियो ।
डोटीको क्षेत्रसंगै जोडिएको कैलालीको चुरे गाउँपालिकाको वडा नम्बर १ किम्तोलाबाट शुक्रवार दिउँसो कुमाललाई डोटी स्थित बिपिनगर प्रहरी चौकीले पक्राउ गरेको हो । जिल्ला सुरक्षा समितिले अतिसंबेदनशील स्थानका रुपमा लिएको बिपिनगर क्षेत्रबाट नेकपा ईञ्चार्ज कुमाल पक्राउ परेका हुन् ।
कैलाली र डोटीका सिमा क्षेत्रमा पर्ने साबिकको चुरे गाबिसबाट पक्राउ गरिएको हो । शान्ति सुरक्षालाई मध्यनजर गर्दै नियन्त्रणमा लिएको र उनीमाथि अनुसन्धान भैरहेको जिल्ला प्रहरी कार्यालय डोटीका सूचना अधिकारी डिएसपी शिबबहादुर सिंहले जानकारी दिनुभएको छ ।
यस अघि पनि डोटीको दक्षिण क्षेत्रमा पर्ने साबिकको बर्छैन गाविसबाट नेकपाका कार्यकर्ता टेकबहादुर सलामीलाई समेत प्रहरीले नियन्त्रमा लिएको थियो । सो पार्टीले स्थानीय निर्वाचनलाई बिथोल्ने भन्दै डोटीका दक्षिण भेगका गाउँहरुमा जनसरकार गठन गरेको थियो । जनसरकार गठन गरेदेखि सुरक्षाकर्मीहरुले नेकपाका नेता तथा कार्यकर्ताहरु माथि निगरायनी बढाउँदै आएका छन् ।
प्रतिक्रिया दिनुहोस !
