एमाले बाहेकका पार्टीले कहिल्यै देशको हित गरेनन् : माधव नेपाल

महेन्द्रनगर: एमालेका वरिष्ठ नेता एंव पूर्वप्रधानमन्त्री माधवकुमार नेपालले देशको विकास गर्ने योजना एमालेसंग मात्रै रहेको दाबी गर्नु भएको छ।

एमाले कञ्चनपुरले गरेको चुनावी सभालाई महेन्द्रनगरमा सम्बोधन गर्दै नेपालले भन्नुभयो, ‘अन्य पार्टीले अहिलेसम्म मुलुकको हितमा काम गर्न सकेनन्, अब एमालेलाई जिताउनुहोस् हामी देशको विकास गरेर देखाउने छौं।’

पूर्वपश्चिम राजमार्ग ८ लेनमा विस्तार गर्ने, विद्युत आयोaजनाको विस्तार, सबै क्षेत्रलाई सडक यातायातले जोड्ने, विभिन्न प्रदेशहरुमा अन्र्तराष्ट्रिय विमानस्थल निर्माण गर्ने, कृषिमा आधुनिकीकरण, गुणस्तरीय शिक्षा, स्वास्थ्यलगायत आम नागरिकको जीवनस्तरमाथि उकास्ने खालका योजना अघि सारेर सम्बृद्व मुलुक बनाउने दाबी नेपालले गर्नु भएको छ।

‘अब ढिलो नगरी जनताको पार्टी चिन्ने प्रयास गर्नुहोस्’, नेता नेपालले भन्नुभयो,‘अन्य पार्टीले त विदेशीसँग लम्पसार परेर मुलुकको हितविपरि काम गनेका छन्।’ भरतपुर महानगरपालिकामा एमालेले जित्न लागेपछि जबरजस्ती मतपत्र च्यात्ने काम भएको भन्दै उहाँले एमाले सर्वोच्चको निर्णय कुरेर बसेको बताउनुभयो।

मतपत्र च्यात्नेलाई दण्ड दिनुको साटो फुलमाला लगाएर सम्मान गर्ने काम भएको भन्दै उहाँले निर्वाचन आयोगले समेत गलत निर्णय गरेको बताउनुभयो।