काठमाडौं: जापानको प्रतिष्ठित कम्पनी रोथो मेन्थोलेटमको आयोजनामा ‘इन्टर कलेज फुटसल' प्रतियोगिता सम्पन्न भएको छ ।
पुरुषको छालालाई उपयुक्त डन्डिफोर रोक्ने अक्सी फेसवास नेपाली बजारमा ल्याएको कम्पनीले जनाएको छ जुन युवामाझ लोकप्रिय पनि रहेको बताइको छ । अक्सी फेसवास पाँच विभिन्न प्रकारमा बजारमा उपलब्ध छ । राजधानीभित्र बढेको प्रदुषणले छालामा परेको असरलाई समाधान गर्न अक्सी फेसवास प्रयोग गर्न सकिने कम्पनीले जनाएको छ ।
पहिलो ‘अक्सी इन्टरकलेज फुटसल टुर्नामेन्ट' शंखमूल फुटसल मैदानमा सम्पन्न भएको कम्पनीले जनाएको छ । जेष्ठ २० गतेबाट सुरु भएको उक्त खेल १६ कलेजबीच नकआउट बेसिसमा भएको थियो । नेपाल फुटसल एसोसिएसनका अध्यक्ष रमेश रायमाझीको आतिथ्यमा क्याम्पियन कलेज र किंग्स कलेजबीच फाइनल खेल भएको थियो ।
नगद पुरस्कार ५० हजार र ट्रफीसहित क्याम्पियन कलेज विजेता घोषित भएको छ भने किंग्स कलेजले उपविजेताका रूपमा नगद पुरस्कार २० हजार र ट्रफी हात पारेको छ । त्यस्तै थापाथली इन्जिनियरिङ कलेज तेस्रो स्थानमा रह्यो । बेस्ट खेलाडी क्याम्पियन कलेजका येनिस अवाले र बेस्ट गोल रक्षक किंग्स कलेजका अंकित श्रेष्ठ भएका छन् । उनीहरूले नगद १० हजार र ट्रफी हात पारेका छन् ।
प्रतिक्रिया दिनुहोस !
