बिप्लव र राजपा पनि चुनावको समर्थनमा : गृहमन्त्री

तुलसीपुर : गृहमन्त्री जर्नादन शर्मा ‘प्रभाकर’ले निर्वाचनको विरोधमा रहेका दुई दल नेत्रविक्रम चन्द विप्लवले नेतृत्व गरेको नेपाल कम्यूनिष्ट पार्टी र राष्ट्रिय जनता पार्टी नेपाल निर्वाचनको सर्मथनमा रहेको वताउनु भएको छ । उहाँले दोस्रो चरणको निर्वाचनबाट ती दुई दलले विरोधको एजेण्डा हटाएर चुनावी सर्मथनमा आएको बताउनु भयो ।

निर्वाचनको विरोध गर्ने दुबै दल घुमाउरो पाराले निर्वाचनमा सहभागी भएको भन्दै अव निर्वाचनको विरोध कतैबाट नभएको र सबैको सहमतिमा निर्वाचन हुन लागेको वताउनु भयो । ‘जसले विरोध गरिरहेको छ उही निर्वाचनमा आएपछि निर्वाचन विरोधको के तुक रहयो र ?’ गृहमन्त्री शर्माले भन्नुभयो, ‘विरोध गर्ने विप्लवदेखि राजपासम्म प्रक्रियामा आइसके । चुनावमा सहमति जनाई सके ।’
सोमबार दाङको तुलसीपुरमा रिपोटर्स क्लवले आयोजना गरेको साक्षात्कार कार्यक्रममा गृहमन्त्री शर्माले त्यस्तो वताउनु भएको हो । ‘निर्वाचन खारेजीको घोषणा गरिरहेकाहरुको कुरा नैतिक रुपमा समाप्त भइसकेको छ’उहाँले भन्नुभयो‘यो निर्वाचन सबैको सहभागितामा सफलता पुर्वक सम्पन्न हुदै छ । जनक्रान्तिको भेष्ट लगाएर थवाङ र पाखापानीमा निर्वाचनमा सहभागी भएको विप्लव र तराईमा स्तन्त्ररुपमा चुनावमा गएको राजपाले निर्वाचनमा सहमति देखाएको पुष्टि हुन्छ । कतै सहभागि हुने र कतै बहिस्कारको कुरा गर्नु नीतिगत रुपमा मिल्दैन ।’ त्यसलाई सहभागिता कै रुपमा लिनु पर्ने उहाँले बताउनुभयो ।
सबै मिलेर निर्वाचन सम्पन्न गर्नुको विकल्प नरहेको भन्दै शन्ति सुरक्षामा कुनै कमि नरहने बताउनु भयो । निर्वाचनलाई शान्ति पूर्ण रुपमा सम्पन्न गराउनका लागि नेपाल प्रहरीलाई प्रमुख जिम्मेवारी प्रदान गरिएको र त्यसपछि सशस्त्र प्रहरी र नेपाली सेना समेत सुरक्षाको लागि परिचालन भएको बताउनुभयो । असार १४ गतेको दोस्रो चरणको स्थानीय तहको निर्वाचनमा निर्धक्क भएर मतदान गर्न उहाँले मतदातालाई आग्रह समेत गर्नुभयो ।
स्थानीय निर्वाचन सबैको सल्लाहले तीन चरणमा गर्न लागेको जानकारी गराउँदै मंसिर भित्रमा सबै तहको निर्वाचन गराउने तयारी सरकारले गरेको वताउनु भयो । उहाँले राजपाको सहमति र प्रस्तावमा दुई नम्बर प्रदेशको निर्वाचन असोजमा सारिएको वताउनु भयो ।
निर्वाचनमा जनताको उत्साहपूर्ण सहभागिता र दलहरुको स्वच्छ प्रतिस्पर्धा रहने निर्वाचन शान्तिपुर्ण रुपमा सम्पन्न हुने मन्त्री शर्माले वताउनु भयो ।
गृहमन्त्री शर्माले तुलसीपुरका व्यापारी राजकुमार श्रेष्ठ अपहरणको घटनालाई सरकारले अत्यन्तै गम्भीरताका साथ हेरेको र अनुसन्धानलाई सशक्त बनाएको वताउनु भयो । उहाँले यो घटनाको वारेमा छिट्टै सत्य तथ्य सार्वजनिक गरिने बताउनुभयो ।