काठमाडौं: रियल स्कुल अफ नेपाल २०१७ अन्तर्गत पाँचौें क्षेत्रीय फाइनल मध्यमाञ्चलको काठमाडौंमा आइतबार सम्पन्न भएको छ । यस प्रतियोगितामा मध्यमाञ्चलको काठमाडौं क्षेत्रबाट विजयी विद्यालय सिद्घार्थ वनस्थली इन्स्टिच्युट घोषित भएको छ ।
विजयी विद्यालयका सहभागी विद्यार्थीमा अनुसुया चन्द, अभियान खड्का, परिवर्तन श्रेष्ठ, अक्शोभा विष्ट र क्रिस थापामगर रहेको आयोजकले जनाएको छ । विजयी विद्यार्थीले काठमाडौंमा सम्पन्न हुने रियल स्कुल अफ नेपाल २०१७ को अन्तिम चरणको प्रतियोगितामा अन्य विजयी विद्यालयका विद्यार्थीसँग प्रतिस्पर्धा गर्नेछन् ।
त्यस्तै, सिनियर समूहमा सिद्घार्थ वनस्थली इन्स्टिच्युटबाट एक्सटेम्पोरमा सायाना तिवारी, केन्द्रीय विद्यालयबाट डान्समा मेघा पन्त र फुटबलमा राइजिङ स्टार हाइयर सेकेन्डरी स्कुलबाट दिवश थापामगर विजयी भएका छन् । यससँगै प्रतियोगिताको पाचौं क्षेत्रीय (फाइनल) प्रतिस्पर्धा अन्त्य भएको छ ।
आयोजकले विजयी विद्यालय, सहभागी विद्यालय र विद्यार्थीलाई बधाई दिँदै सहभागी सबैलाई धन्यवादसमेत व्यक्त गरेको छ । अब छैटौं क्षेत्रीय (फाइनल) प्रतिस्पर्धा बिहीबार मध्यमाञ्चलको ललितपुरमा हुने आयोजकले जनाएको छ ।
प्रतिक्रिया दिनुहोस !
