परासीमा उत्साहजनक रुपमा मतदाता सहभागी
नवलपरासी : प्रदेश नम्बर ५ को परासी क्षेत्रका मतदाता बिहानैदेखि उत्साहजनक रुपमा मतदान कार्यमा सहभागी भएका छन् । तराई क्षेत्रका परासीमा दिउँसोको समयमा अत्याधिक गर्मी हुने भएकाले बिहान ६ बजेदेखि नै मतदाता आ-आफ्ना मतदान केन्द्रमा पुगेका थिए ।
परासी क्षेत्रका तीन नगरपालिका र चार गाउँपालिकामा बिहान ७ बजेदेखि शान्तिपूर्ण रुपमा मतदान कार्य सुरु भएको प्रमुख जिल्ला अधिकारी उदयबहादुर राना मगरले बताउनुभयो ।
२ सय ४० मतदान केन्द्र र १ सय २० मतदान स्थलको सुरक्षाका लागि ४ हजार बढी सय सुरक्षाकर्मी खटाइएको छ । जसमा १ हजार २ सय नेपाल प्रहरी, १ हजार ८ सय म्यादी प्रहरी, ७ सय शसस्त्र र ४ सय ५० नेपाली सेना छन् ।
रामग्राम, सुनवल र बर्दघाट नगरपालिकासहित सरावल, प्रतापपुर, सुस्ता र पाल्हीनन्द गाउँपालिकामा कुल १ लाख ८३ हजार १३ जना मतदाताहरु छन् ।
प्रतिक्रिया दिनुहोस !
