बैतडीको पञ्चेश्वर गाउँपालिकामा एमाले विजयी
बैतडी : बैतडी जिल्लाको पञ्चेश्वर गाउँपालिकामा एमालेका गोरखबहादुर चन्द विजयी हुनुभएको छ । नेपाली कांगे्रसका दिनेसबहादुर चन्दलाई ८ सय ८० मतले पछि पार्दै चन्द विजयी हुनुभएको हो ।
चन्दले दुई हजार ६ सय ८ मत प्राप्त गर्नुभएको थियो भने उहाँका निकटतम प्रतिद्वन्द्वी नेपाली कांग्रेसका दिनेसबहादुर चन्दले १ हजर ७ सय १८ मत प्राप्त गर्नुभएको छ । गाउँपालिकाको उपाध्यक्षमा पनि नेकपा एमालेकै विना भट्ट विजयी हुनुभएको छ ।
उहाँ नेपाली कांग्रेसकी विन्दु चन्दलाई ५ सय ५० मतले पछि पार्दै विजयी हुनुभएको हो ् । एमालेका विना भट्टले २ हजार ४ सय २४ मत प्राप्त गर्नुभयो भने कांग्रेसका विन्दु चन्दले १ हजार ८ सय ७४ मत प्राप्त गर्नुभएको छ ।
पञ्चेश्वर गाउँपालिकाको ३ वडाहरुमा नेकपा एमाले, २ मा नेपाली कांग्रेस र १ मा राप्रपा विजयी भएको जिल्ला निर्वाचन कार्यालयले जनाएको छ ।
विजयी चन्द शिक्षक पेसाबाट राजीनामा दिएर गाउँपालिकाको अध्यक्ष पदमा उम्मेद्वार बन्नुभएको थियो ।
प्रतिक्रिया दिनुहोस !
