दमौलीः तनहुँको म्याग्दे गाउँपालिका १ तल्लो गुणादीस्थित पृथ्वी राजमार्गमा शुक्रबार बसको ठक्करबाट स्कुटरमा सवार दुई किशोरको मृत्यु भएको छ ।
धादिङबाट पोखरातर्फ जाँदै गरेको ग १ ख ३६९१ नम्बरको यात्रुवाहक बसले दमौलीतर्फ आउँदै गरेका दुई किशोर सवार ग १२ प ६३४९ नम्बरको स्कुटरलाई ठक्कर दिएको थियो ।
ठक्करका क्रममा घाइते मानुङ धरादीका १६ वर्षका बसन्त थापा र सोही ठाउँका मन्दीप थापाको उपचारका क्रममा दमौली अस्पतालमा दिउँसो निधन भएको थियो । मध्याह्न १२ बजेतिर भएको घटनालगत्तै अवरुद्ध राजमार्ग प्रहरीले दिउँसो साढे १ बजेतिर खुलाएको थियो । पृथ्वी राजमार्गको ७२ किलोमिटर भाग ओगटेको तनहुँमा पछिल्लो समय सवारी दुर्घटना भैरहने गरेका छन् ।
प्रतिक्रिया दिनुहोस !
