मन्त्रिपरिषद् विस्तारका विषयमा प्रधानमन्त्री देउवा र प्रचण्डबीच छलफल
असार १६, २०७४ शुक्रबार १९:१७:०
काठमाडौं : प्रधानमन्त्री शेरबहादुर देउवा र पूर्व प्रधानमन्त्री तथा नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ बीच भेटवार्ता भएको छ।
प्रधानमन्त्री निवास बालुवाटारमा देउवा र प्रचण्डबीच भेटवार्ता भएको हो शुक्रबार साँझ भएको भेटमा प्रधानमन्त्री देउवा र अध्यक्ष प्रचण्डबीच सरकार सञ्चालन र मन्त्रिपरिषद् विस्तार लगायतका विषयमा कुराकानी भएको छ।
भेटमा प्रधानमन्त्री र अध्यक्ष प्रचण्डबीच सत्ता समीकरण र सरकारका कामबारे समेत छलफल भएको प्रचण्डको निजी सचिवालयले जानकारी दिएको छ।
शुक्रबारको छलफलमा प्रधानमन्त्री र अध्यक्ष प्रचण्डबीच थप गृहकार्य गरेर छिटै मन्त्रिपरिषद् विस्तार गर्ने र सरकार सञ्चालन एवम् दुई पार्टीबीचको गठबन्धन सम्बन्धलाई थप बलियो बनाउने बारेमा कुराकानी भएको छ।
अध्यक्ष प्रचण्डले प्रधानमन्त्री पदबाट राजीनामा दिएपछि प्रधानमन्त्री देउवा र अध्यक्ष प्रचण्डबीच पहिलोचोटी बालुवाटारमा छलफल भएको हो।
प्रतिक्रिया दिनुहोस !
