झापा : कांग्रेस नेता एवम् पूर्वमन्त्री कृष्णप्रसाद सिटौलाको गृहनगर झापाको भद्रपुर नगरपालिकामा एमालेले अग्रता लिएको छ । हालसम्म ७ हजार ८ सय ८९ मत गणना हुँदा एमालेले अग्रता लिएको हो ।
एमालेका मेयरका उम्मेद्वार जीवन श्रेष्ठले २८ सय ४२ मत ल्याउनु भएको छ भने उपमेयरका उम्मेद्वार चन्द्र श्रेष्ठले २९ सय ६६ मत ल्याउनु भएको छ।
कांग्रेसका मेयरका उम्मेद्वार गणेश पोखरेलले १९ सय ३६ मत ल्याउनु भएको छ भने उपमेयरका उम्मेद्वार तारा भूर्तेलले १७ सय ९७ मत ल्याएकी छिन् ।
माओवादी केन्द्रका मेयरका उम्मेद्वार शिवकुमार राजभण्डारीले १८ सय ११ मत ल्याउनु भएको छ भने उपमेयरका उम्मेद्वार कुमारी स्वर्णिका सिंहले १४ सय ३७ मत ल्याउनु भएको छ ।
राप्रपाका मेयरका उम्मेद्वार नवराज पनेरुले ११ सय ६० मत ल्याउनु भएको छ भने उपमेयरका उम्मेद्वार राधा कार्कीले १२ सय ६७ मत ल्याउनु भएको छ ।
प्रतिक्रिया दिनुहोस !
