भोजपुर नगरपालिकाका मेयरद्वारा सपथ ग्रहण
भोजपुर : दोश्रो चरणको स्थानीय तह चुनावमा जित हासिल गरेका भोजपुर नगरपालिकाका मेयर, उपमेयर, वडा अध्यक्ष तथा वडा सदस्यले आइतबार सपथ ग्रहण गरेका छन् । जिल्ला समन्वय समितिको सभा हलमा सम्पन्न सपथ ग्रहण कार्यक्रममा मेयर कैलाशकुमार आले र उपमेयर ममिता राईको उपस्थितीमा भोजपुर नगरपालिकाका १२ वटै वडाका निर्वाचित जनप्रतिनिधीलाई एकै साथ सपथ ग्रहण गराइएको हो ।
दोश्रो चरण स्थानिय तह अन्र्तगत भोजपुर नगरपालिकामा कुल १५ हजार ४ सय ८७ मतदाता रहेकोमा ९ हजार ३ सय ५५ सदर मत खसेको थियो । जसमा नेपाली कांग्रेसको तर्फबाट मेयरका उम्मेदवार कैलाश कुमार आलेले ४ हजार ७० मत ल्याएर विजयी हुनु भएको थियो ।
त्यसैगरी उपमेयरमा निर्वाचित एमालेकी ममिता राई ३ हजार ७ सय ७३ मतले विजयी हुनु भएको हो । भोजपुर नगरपालिकाका १२ वडामध्ये कांग्रेसले ६ वडा, एमालेले ५ वडा र माओवादी केन्द्रले एउटा वडामा विजय हासिल गरेका छन् ।
मुख्य निर्वाचन अधिकृतको कार्यालय भोजपुरले गराएको सपथ ग्रहण कार्यक्रममा निर्वाचित सबै जनप्रतिनिधीहरुलाई बधाई तथा प्रमाण पत्र प्रदान गरेको थियो । उक्त सपथ ग्रहण कार्यक्रममा मुख्य निर्वाचन अधिकृत प्रकाश श्रेष्ठले निर्वाचित सबै जन प्रतिनिधीहरुलाई अविरजात्रा गर्नुका साथै प्रमाणपत्र प्रदान गर्नुभएको छ । कार्यक्रममा प्रमुख जिल्ला अधिकारी गोमादेवी चेम्जोङ, स्थानीय विकास अधिकारी सीता परियार, सुरक्षा प्रशासनका प्रतिनिधीहरुका साथै अन्यको विशेष उपस्थिती रहेको थियो ।
प्रतिक्रिया दिनुहोस !
