स्थगित धरान उपमहानगरको मतगणना पुनः सुरु
धरान : धरान ट केहीबेरअघि रोकिएको धरान उपमहानगरपालिकाको मतगणना १ घण्टापछि सुरु भएको छ । मतगणना अव्यस्थित भएको भन्दै नेपाली कांग्रेसले आपत्ति जनाएपछि मतगणना रोकिएको थियो ।
राजनीतिक सहमतीका आधारमा रोकिएको मतगणना पुनः सुचारु भएको हो । धरानको मतगणना नरोक्न निर्वाचन आयोगलेसमेत निर्देशन दिएको थियो ।
वडा नम्बर ८ को मतगणना सकिएलगत्तै मतगणना अव्यवस्थित भएको भन्दै कांग्रेसका प्रतिनिधिले गणना स्थल छाडेपछि मतगणना रोकिएको थियो ।
कांग्रेसका प्रतिनिधिले मतगणनामा भाग नलिएपछि गणना स्थल धरान सभागृहमा सर्वदलीय बैठक बसी सहमती गरेको हो । राजनीतिक सहमती पश्चात पुनः मतगणना सुरु भएको सहायक निर्वाचिन अधिकृत गणेशप्रसाद खतिवडाले बताउनुभयो ।
धरानको १ देखि ८ वडाको परिणाम आइसकेको छ । प्राप्त परिणाम अनुसार १, २, ५ कांग्रेसमा कांग्रेसले जितेको छ भने ३, ४, ६,७ र ८ नेकपा एमालेले जितेको छ ।
प्रतिक्रिया दिनुहोस !
