विराटनगर महानगर : एक हप्तामा आधामात्र गणना
विराटनगर : विराटनगर महानगरमा एक सातामा आधामात्र मत गणना भएको छ ।गतसाता बिहीबारबाट गणना सुरु भएपनि आधाभन्दा बढी मत गणना हुन सकेको छैन ।
तर गणना ढिला भएपछि काठमाडौंबाट निर्वाचन आयोगका उपसचिव विसकसेन ढकाल नेतृत्वको टोलीसमेत खटिएपछि गणनाले केही तिव्रता लिएको हो ।
मुख्य निर्वाचन अधिकृत विनोदकुमार पोखरेलले भन्नुभयो,‘बिहीबार साढे दश बजेसम्म ४३ हजार मत गणना सकिएको छ ।'
पोखरेलका अुनसार पछिल्लो समय वडा नम्बर ५ र १५ को पनि गणना पूरा भएको छ । तर, परिणाम भने सार्वजनिक गरिएको छैन । उपसचिव ढकालको नेतृत्वमा काठमाडौबाट १९ गते कमर्चचारी आएका थिए ।
हालसम्म वडा नम्बर १,२,३,४,५, १५,१६,१७,१८ र १९ नम्बरको मतगणना पूरा भएको छ । विराटनगरमा ८० हजार ४ सय ७७ मत खसेको थियो । पछिल्लो मत परिणामअनुसार कांग्रेसका मेयरका उम्मेदवार भीम पराजुली अग्रस्थानमा हुनुहुन्छ । विराटनगरको गणना पूरा हुन अझै ५ दिन लाग्ने बताइएको छ।
प्रतिक्रिया दिनुहोस !
