बिद्यार्थीका लागि छात्रबृत्तिको कोटा बढाउन चीनलाई शिक्षामन्त्रीको आग्रह

काठमाडौ : उपप्रधान तथा शिक्षामन्त्री गोपालमान श्रेष्ठले नेपाली बिद्यार्थीका लाथि छात्रबृत्तिको कोटा बढाउन आग्रह गर्नु भएको छ । नेपालका लागि चीनका डेपुटी चिफ अफ मिसन याङ सी चाओसँग बिहिबार सिंहदरवारस्थित शिक्षा मन्त्रालयमा भएको भेटमा मन्त्री श्रेष्ठले त्यस्तो आग्रह गर्नु भएको हो ।
चीन सरकारले दिदै आएको छात्रवृत्ति कार्यक्रमबाट नेपाली बिद्यार्थीलाई सहयोग पुगेको उल्लेख गर्दै मन्त्री श्रेष्ठले शिक्षा क्षेत्रमा थप कार्यक्रम ल्याउन चिनिया प्रतिनिधिमण्डलाई सुझाव दिनुभएको शिक्षा मन्त्रालयले जनाएको छ ।
मन्त्रालयका अनुसार चिनिया प्रतिनिधिमण्डलले नेपालकै पुरानो स्कुल दरबार हाई स्कुलको पुर्ननिर्माणका लागि पनि चीनले चासो व्यक्त गरेको छ ।
नेपालस्थित युनेस्को कार्यलयका अध्यक्ष समेत रहुन भएका शिक्षामन्त्री श्रेष्ठलाई प्रतिनिधिमण्डलले औपचारिक रुपमा चीन भ्रमणको निम्तो समेत दिएको छ ।
नेपाल र चीन वीचको कुटनैतिक सम्बन्ध,एक आपसको मित्रता र आर्थिक विषयबारे छलफल भएको छ ।
२०७२ मा आएको महाभुकम्पपछि चीन सरकारले तत्काल गरेको सहयोग र पूर्ननिर्माणका लागि त्यसयता गरेको निरन्तर सहयोग प्रति उप–प्रधानमन्त्री श्रेष्ठले धन्यवाद दिनुभएको थियो ।
भुकम्पपछि बन्द भएको चीनसंगको मूख्य नाका तातोपानी नाका खुलाउनेवारे उपप्रधानमन्त्री श्रेष्ठ र चिनिया प्रतिनिधिमण्डल वीच छलफल भएको थियो ।