अन्नपूर्णकर्मी गोविन्द परियार प्रधानमन्त्रीको प्रेस संयोजक नियुक्त
काठमाडौ: प्रधानमन्त्री शेरबहादुर देउवाले प्रेस संयोजकमा अन्नपूर्णकर्मी गोविन्द परियारलाई नियुक्त गर्नु भएको छ । समाजशास्त्रमा स्नाकोत्तर परियार अन्नपूर्ण दैनिकको बरिष्ठ सम्वाददाताको रुपमा हुनुहुन्छ । प्रधानमन्त्री देउवाले प्रेस सल्लाहकारमा भने कसैलाई पनि नियुक्त गर्नु भएको छैन। तत्कालका लागि प्रेस सल्लाहकारको भूमिकामा परियारलाई संयोजकको रुपमा नियुक्त गर्नु भएको हो ।
परियारले राष्ट्रिय तथा अन्तराष्ट्रिय पत्रकारितामा तालिम प्राप्त गर्नु भएको छ । पत्रकारितामा १५ बर्षदेखि क्रियाशिल परियार समय म्यागेजिन र नागरिक दैनिकमा पनि काम गर्नु भएको थियो ।
प्रधानमन्त्री देउवाले आफनो परराष्ट्र मामिला सल्लाहकारमा दिनेश भट्टराईलाई नियुक्त गर्नु भएको छ । पूर्व राजदूत भट्टराई पूर्व प्रधानमन्त्री सुशील कोइराला प्रधानमन्त्री हुँदा पनि परराष्ट्र सल्लाहकार हुनुहुन्थ्यो।
प्रतिक्रिया दिनुहोस !
