काठमाडौ प्रमुख प्रतिपक्षी दल नेकपा एमालेले असहमति जनाएपछि संविधान संशोधनमा सहमति जुटाउन बसेको बैठक विना निष्कर्ष टुंगिएको छ । प्रधानमन्त्री शेरबहादुर देउवाको सरकारी निवास बालुवाटारमा बसेको काँग्रेस,एमाले र माओवादी केन्द्रको बैठक विना निष्कर्ष टुंगिएको हो । काँग्रेस र माओवादीले संविधान संशोधन प्रस्ताव व्यवस्थापिका संसदमा दर्ता गराउन चाहेका छन भने एमालेले संविधान संशोधनको औचित्य माथि नै प्रश्न उठाउँदै आएको छ ।
संविधान संशोधनका बारेमा दुई नम्बर प्रदेशको निर्वाचनपछि मात्रै छलफल गर्न सकिने स्थायी समितिको निर्णय एमाले नेताहरुले तीन दलको बैठकमा सुनाउनु भएको थियो । सत्ता गठबन्धनले भने यसैसाता संशोधन प्रस्ताव संसदमा दर्ता गराउने योजना बनाएको छ ।
प्रतिक्रिया दिनुहोस !
