लस एन्जेलस : एकजना अमेरिकी सैनिकले आतङ्ककारी संगठन,आइएसलाई सहयोग गरेको पाइएपछि उनलाई सोमबार पक्राउ गरिएको छ ।
अमेरिकी सुरक्षा अनुसन्धान निकाय, एफबिआइका अनुसार अमेरिकी सेनामा कार्यरत ३४ वर्षीय अधिकारी इकाइका एरिक काङले आइएसलाई सहयोग गरेको पाइएको हो । उनी हवाइमा पक्राउ परेका हुन् । उनले आइएसलाई आवश्यक सैनिक सामग्री सहयोग गर्नुका साथै तालिम समेत दिने गरेको प्रमाण भेटिएको सेनाले अमेरिकी सेनाले जनाएको छ ।
हवाइको राजधानी सहर होनोलुलुमा रहेको उनको निवासबाट उनलाई शनिबार साँझ एफबिआइका अधिकारीहरुले पक्राउ गरेका हुन ।
उनले हवाइमा रहेको सेनाको उड्डयनसम्बन्धी सेवामा ट्राफिक नियन्त्रणको कार्यमा सेवा गर्दै आएका थिए । सोही कार्यमा खटिएको समयमा उनले आइएसलाई सहयोग गरेको पाइएको थियो ।
उनलाई सन् २०१० मा इराकमा र सन् २०१४ मा दुई वर्षसम्म अफगानिस्तानमा खटाइएको थियो । ती देशमा उनले सेवा गरेर अमेरिका फर्केका थिए ।
उनीमाथि केही महिनायतादेखि निगरानी राखिएको र उनले आइएसलाई सहयोग गर्ने गरेको पाइएपछि नियन्त्रणमा लिइएको जानकारी एफबिआइका अधिकारीले दिएका छन् । रासस/सिन्ह्वा
प्रतिक्रिया दिनुहोस !
