प्रधानमन्त्री शेरबहादुर देउवासँग आइतबार बालुवाटारमा अन्तरपार्टी महिला सांसद समन्वय सञ्जालले भेट गर्दै । तस्बिर : रोशन सापकोटा, रासस
काठमाडौ : मुलुककी प्रथम महिला (फस्ट लेडी) आरजु राणा देउवाले प्रधानमन्त्री शेरबहादुर देउवासँग मन्त्रिपरिषदमा ३३ प्रतिशत महिला सहभागिताका लागि माग गर्नु भएको छ । प्रधानमन्त्रीको सरकारी निवास बालुवाटारमा आरजुले देउवालाई ज्ञापनपत्र बुझाएर मन्त्रिपरिषदमा ३३ प्रतिशत महिला सहभागिताको माग गर्नु भएको हो । प्रधानमन्त्री देउवा मन्त्रिपरिषद विस्तार गर्ने गृहकार्यमा हुनुहुन्छ ।
महिला सांसद समन्वय समितिमा आबद्ध आरजुसहितका महिला सांसदले आइतवार प्रधानमन्त्री देउवासँग भेटी मुलुकमा व्याप्त महिला हिंसाका घटना अन्त्य गरिनुपर्ने मागसमेत गर्नुभएको सांसद रेखा शर्माले बताउनुभयो ।
सो अवसरमा प्रधानमन्त्री देउवाले महिला सांसदले राखेका मागलाई आफूले सकारात्मक रूपमा लिएको बताउँदै ती माग पूरा गर्न सक्दो प्रयास गरिने प्रतिबद्धता व्यक्त गर्नुभएको थियो । भेटमा सांसद आरजु देउवासहित सीता नेपाली, रेखा शर्मा,कुन्ती शाही, ईश्वरी न्यौपाने र सीता गुरुङ हुनुहुन्थ्यो ।
प्रतिक्रिया दिनुहोस !
