आरोहण नभएका १८६ हिमालको प्रवर्द्धन गरिने

काठमाडौँ : सरकारले आरोहण गर्न अनुमती दिए पनि बर्षो देखि एक सय ८६ वटा हिमाल अझै आरोहण हुन नसके पछि हिमालको प्रवर्द्धन गरिने भएको छ । अनुमती भए पनि ट्रेकिङ कम्पनी र पर्यटकको पहुँचमा नभएर आरोहण हनु नसकेको निष्कर्ण सरोकारवालाहरुले निकालेको छ । 

आरोहण बाँकी हिमालको आधारशिविरसम्म पदयात्रा र आरोहणनै गरेर ट्रेकिङ प्रवद्र्धन गरिने कार्यक्रम अघि बडाएको ट्रेकिङ्ग एजेन्सिज एसोसिएसन अफ नेपाल (टान) महासचिव कर्ण लामाले बताउनुभयो । टानले टिम्स कार्ड बितरण वापत संकलित रकमको एक करोड २० लाख प्रवर्दन शिर्षकमा बिनियोजन गरेको लामाले जानकारी दिनुभयो ।

पर्यटन मन्त्रालयले ६ हजार देखि आठ हजार मिटरसम्मका चार सय १४ हिमालको पहिचान गरी आरोहण खुल्ला गरेको छ । यि मध्ये दुई सय २८ वटा हिमालको आरोहण भएको छ भने एक सय ८६ वटा हिमाल अझै आरोहण हुन सकेको छैन ।

हिमाल आरोहण र आधारशिविरसम्म पुग्नका लागि गन्तव्य पहिचान गरी प्रर्वधन कार्यक्रम टानले राखेको छ । पश्चिम र सुदुर पश्चिम र पुर्वका क्षेत्रमा आरोहण नभएका हिमालहरु बढी छन् । आरोहण नगरिनु र त्यस क्षेत्रमा पर्यटक नजानुको कारण पक्ता लगाई ट्रेकिङ कम्पनीकै सहयोगमा त्यस क्षेत्रमा पर्यटक लगेर प्रर्वधन गरिने लक्ष्य राखेको छ ।

प्रवर्द्धन  गर्न हिमाल नयाँ गन्तव्य पहिचान गर्ने, नक्साङकन समेत गरिने छ । आरोहण बाँकी हिमाल मध्ये पनि प्राथमिकीकरणमा राखेर ट्रेकिङ कम्पनी मार्फतनै आरोहण र पदयात्राका लागि प्रोत्साहन थालिने टानको कार्ययोजनामा उल्लेख छ । पहिलो आरोहण रेकर्ड राख्नेका लागि टानले समेत प्रोत्साहन गर्ने छ ।

पर्यटन बोर्ड र टान विच भएको सम्झौतामा टिम्स कार्ड बितरण वापतको रकम ३० प्रतिशत सोझै टानको खातामा जम्मा हुने छ । यि रकम टानले पर्यटन प्रवद्र्धनमा खर्च गर्नु पर्ने व्यवस्था छ । टिम्स कार्ड बितरण वापत करिव ७५ करोड रकम जम्मा भइ सकेको छ । आरोहण नभएर ओझेलमा परेका हिमालहरुको प्रर्वधन गर्न पर्यटन वोर्ड र नेपाल पर्वतारोहण संघसँग टानले सहकार्य गरी बास्केट फण्टको रुपमा काम गर्न समेत अनुरोध गरेको छ ।

पर्यटन वोर्डमा टिम्सबाट जम्मा भएको ३० प्रतिशत रकम र संघले २७ वटा हिमालबाट संकलन गरेको सेवा शुल्क(रोयल्टी) प्रर्वधनमै खर्च गर्नु पर्ने व्यवस्था छ । टानले टिम्स बापत प्राप्त हुने करिव २५ करोड रकम खर्च गर्ने कार्यबिधि र योजना बनाइ सकेको महासचिव लामाले जानकारी दिनुभयो ।
आरोहण खुल्ला गरिए पनि आरोहण हनु नसकेका हिमालको थप प्रर्वधनका लागि कुनै पनि योजना नभएको पर्यटन विभागका प्रवक्ता दुर्गादक्त ढकालले बताउनुभयो ।

विभागले चार सय ७६ हिमाल आरोहणका लागि उपयुक्त भनी पहिचान गरेको र यि मध्ये चार सय १४ हिमाललाई आरोहणका लागि खुल्ला गरी सकेको ढकालले जानकारी दिनुभयो । विभागले चार सय ७६ हिमालकै प्रोफाइल बनाउन शुरु गरेकाले प्रवद्र्धनमा थप टेवा पुग्ने विभागको भनाई छ ।