संयुक्त राष्ट्रसंघका लागि साउदी अरेवियाका राजदूत अब्दुल्लाह अल माउलीमीले कतारबाट सञ्चालित अलजजिरा बन्द गर्नै पर्ने अनिर्वायता नरहेको बताउनु भएको छ । साउदी अरव,यएइ,इजिप्ट र बहराईनले कतार माथि तेस्र्याएका १३ बुँदे शर्तबाट झरेर ६ वटा बुँदामा सीमित हुने क्रममा अलजजिरा टेलिभिजन बन्द गर्नै पर्ने एउटा शर्त पनि छोडेका छन् ।
साउदीसहित चार मुलुकले गत महिना कतार समक्ष १३ बुँदे शर्त अगाडि सारेका थिए । यूएइद्धारा राष्ट्रसंघमा आयोजित पत्रकार सम्मेलनमा अल जजीरा टेलिभिजन नेटवर्क बन्द गर्नु पर्ने र इरानसँग कतारले सम्बन्ध न्यून गर्नु पर्ने जस्ता निश्चित माग भन्दा ६ वटा बृहत सिद्धान्तको पक्षमा आफूहरु अहिले एकताबद्ध रहेको बताएका हुन ।
माउलीमीले भन्नु भएको छ ‘अलजजीरा बन्द गरेर उपलब्धी हासिल हुन्छ भने ठिकै छ,यदि अलजजीरा बन्द नगरीकन उपलब्धी हासिल गर्न सकिन्छ भने त्यो पनि ठीकै छ ।’
आतंकवादलाई सघाएको आरोपमा कतार बिरुद्ध जल,थल र आकाशको नाकावन्दी लगाएका साउदीसहित चार मुलुकले नाकावन्दीलाई खुकुलो बनाउँदै लगेको रुपमा अन्तराष्ट्रिय समाचार एजेन्सीहरुले अथ्र्याउन थालेका छन् । ‘कतारले आतंकवादलाई सघाएको आरोपमा उक्त मुलुक विरुद्ध उभिएका चार वटा देशले आफना मागलाई विस्तारै नरम पार्दै गएको संकेत देखिएको छ । साउदी अरेविया र संयुक्त अरव इमिरेटससहित चार मुलुकका बरिष्ठ कुटनीतिज्ञहरुले कतारले १३ बुँदे माग पूरा गर्नै पर्नेमा आफूहरुले जोड दिन छाडेको बताएका छन’ बीबीसीको समाचारमा लेखिएको छ ।
कतारले आतंकवाद र अतिवाद बिरुद्ध लडनु पर्ने र भडकाउने र उक्साउने गतिबिधि अन्त्य गर्नु पर्ने लगायतका छन । कतारसँग आतंकवादलाई बित्तिय सहयोग रोक्ने सम्बन्धी सम्झौतामा हस्ताक्षर गरेपछि अमेरिकी विदेशमन्त्री रेक्स टिलरसनले नाकावन्दी हटाउन साउदीसहितका चार मुलुकलाई दबाब दिनु भएको थियो । चार मुलुकका विदेशमन्त्रीहरुको जुलाई ५ मा कायरोमा बसेको बैठकले ६ वटा सिद्धान्तमा सहमति जुटाएको र ती सिद्धान्त स्वीकार गर्न कतार तयार हुनु पर्नेमा चार मुलुकले दबाब दिदै आएका छन् ।
अन्तराष्ट्रिय समाचार एजेन्सीको सहयोगमा
प्रतिक्रिया दिनुहोस !
