अर्घाखाँची : अर्घाखाँची जिल्लाको पाणीनि गाउँपालिका वडा नम्बर ४ पटौटीको कुडापानीमा जीप दुर्घटना हुँदा एक जनाको ज्यान गएको छ भने २ जना घाइते भएका छन ।
अमजाबाट पाल्पा तानसेन हुँदै बुटबल तर्फ जाँदै गरेको लु१ ज १७९५ नम्बरको यात्रुबाहक जीप दुर्घटना भएको जिल्ला प्रहरी कार्यालय अर्घाखाँची ले जनाएको छ। मृत्यु हुनेमा चालक तारा बहादुर खत्री रहेको जिल्ला प्रहरी कार्यलयका प्रहरी नायब उपरीक्षक एकनारायण कोईरालाले बताउनुभयो ।
दुर्घटनामा लेख बहादुर रास्कोटि र टीका बहादुर रास्कोटि घाइते भएका छन्। जीप एक सय मिटर तल खसेको प्रहरीले जनाएकाे छ ।
प्रतिक्रिया दिनुहोस !
