ट्रक दुर्घटनामा पूर्व उपाध्यक्षको मृत्यु
सिन्धुली : सिन्धुलीको सुनकोसी गाउँपालिका ४ मा मिनी ट्रक दुर्घटना हुँदा एकको मृत्यु भएको छ ।
रातमाटा बजारबाट कोटगाउँ जाँदै गरेको बा ४ छ ३६१३ नम्बरको मिनी ट्रक सादनाबोट नजिक दुर्घटना भएको हो। दुर्घटनामा सोही गाउँपालिका ४ का पूर्व वडा उपाध्यक्ष तीर्थकुमार थापाको मृत्यू भएको सिन्धुलीका प्रहरी नायव उपरीक्षक सुवासचन्द्र बोहोराले जानकारी दिनुभयो।
ट्रक दुर्घटनाको कारण नखुलेपनि सडक कच्ची भएकाले दुर्घटना भएको प्रहरीको आशंका छ । ट्रकका चालकलाई प्रहरी चौकी रातमाटाले नियन्त्रणमा लिएको छ।
उता जिल्ला भुसंरक्षण कार्यालय सिन्धुलीका लेखा अधिकृत यमकुमारी सापकोटा अचानक बिरामी भएपछि हेलिकप्टरमार्फत काठमाण्डौं पठाइएको छ। सापकोटाको सिन्धुली अस्पतालमा उपचार असम्भव भएपछि काठमाण्डौं लगिएको हो ।
प्रतिक्रिया दिनुहोस !
