दुर्घटनामा मोटरसाइकल चालकको मृत्यु
दमक : झापाको बिर्तामोड-भद्रपुर सडक खण्डमा शुक्रबार नम्बर नखुलेको सवारी साधनको ठक्करबाट मोटरसाइकल चालकको मृत्यु भएको छ।
मोटरसाइकलमा सवार एक गम्भीर घाइते भएका छन्। हर्चना चोकमा भएको दुर्घटनामा परी बिर्तामोड–८ का ३५ वर्षीय कृष्ण थापाको मृत्यु भएको जिल्ला ट्राफिक प्रहरी कार्यालय झापाले जानकारी दिएको छ।
थापा चढेको मे २ प ९०६८ नम्बरको मोटरसाइकललाई नम्बर नखुलेको सवारीले ठक्कर दिएको थियो मोटरसाइकल चालक थापाको घटनास्थलमा नै मृत्यु भएको प्रहरीले जनाएको छ।
मोटरसाइकलको पछाडि सवार सोही ठाउँका २५ वर्षीय गोविन्द चौधरी गम्भीर घाइते हुनु भएको छ। उहाँको बिएण्डसी हस्पिटल बिर्तामोडमा उपचार भइराखेको छ।
फरारसवारीको खोजी भइरहेको प्रहरीले जनाएको छ।
प्रतिक्रिया दिनुहोस !
