मोरङ : मोरङ जिल्लाको केराबारी गाँउपालिका ८ स्थित कनक टोलबाट लोड अवस्थाको चार थान भरुवा बन्दुकसहित एक जनालाई पक्राउ परेका छन्।
सशस्त्र प्रहरी र नेपाल प्रहरीको संयुक्त टोलीले ५० बर्षीय छत्रबहादुर घोरासानेलाई पक्राउ गरेको हो। विशेष सूचनाको आधारमा घोरासानेको गोठबाट उक्त भरुवा बन्दुक बरामद गरिएको सशस्त्र प्रहरीद्वारा जारी विज्ञप्तिमा जनाइएको छ।
पक्राउ परेका घोरासानेलाई हतियारसहित आवश्यक कारवाहीको लागि इलाका प्रहरी कार्यालय केराबारीमा बुझाइएको छ।
प्रतिक्रिया दिनुहोस !
