भक्तपुर : मध्यपुर थिमि नगरपालिका– १, कौशलटारस्थित अरनिको पेट्रोलपम्प अगाडी शनिबार बिहान काठमाडौँबाट भक्तपुरतर्फ आइरहेको बा २ क १२१३ नं को टिपरले बा ७७ प ४२२० नं को मोटरसाइकललाई ठक्कर दिँदा एक युवतीको मृत्यु भएको छ भने मोटरसाइकल चालक घाइते भएका छन् ।
मृत्यु हुनेमा काठमाडों कीर्तिपुर बस्ने १८ वर्षीया अश्मी सुनार रहेको महानगरीय प्रहरी परिसर भक्तपुरका प्रवक्ता एवम् प्रहरी नायब उपरीक्षक कृष्ण प्रसाईंले जानकारी दिनुभयो ।
घटनामा घाइते भएका उनलाई उपचारका लागि गठ्ठाघरस्थित नागरिक सामुदायिक अस्पताल लगिएकोमा उपचारकै क्रममा मृत्यु भएको हो । घटनामा घाइते मोटरसाइकल चालक काठमाडों कीर्तिपुर बस्ने वर्ष २२ वर्षीय हरि गहतराजको नागरिक अस्पतालमा उपचार भइरहेको प्रहरीले जानकारी दिएको छ ।
प्रहरीले टिपर चालक भक्तपुर नगरपालिका– ९ बस्ने ३२ वर्षीय जीवन ज्याठालाई नियन्त्रणमा लिई थप अनुसन्धान भइरहेको जनाएको छ । रासस
प्रतिक्रिया दिनुहोस !
