पोल गाड्ने क्रममा करेण्ट लागेर एकको मृत्यु
कुश्मा : विद्युतको पोल परिर्वतन गर्ने क्रममा करेण्ट लागेर पर्वतमा एक जनाको ज्यान गएको छ । पर्वतको कुस्मा नगरपालिका वडा १ का खगराज केसीको शनिबार बिहान पोल परिर्वतन गर्ने क्रममा करेण्ट लागेर मृत्यु भएको हो ।
पर्वतको मोदी गाउँपालिका वडा ३ जयले गाउँमा काठको ठाउँमा फलामे पोलमा तार टांग्ने क्रममा अकस्मात विद्युत प्रवाह हुँदा केसीको घटनास्थलमा नै ज्यान गएको जिल्ला प्रहरी कार्यालय पर्वतले जानकारी दिएको छ ।
गाउँमा ४ दिन देखि विद्युत अवरुद्ध रहेको थियो । विद्युत अवरुद्ध भएका बेला जानकारी दिएरै पोलमा चढेको भए पनि अकस्मात विद्युत प्रवाह गरिदिएका कारण केसीले ज्यान गुमाउनु परेको हो । नेपाल विद्युत प्राधिकरण पर्वत वितरण केन्द्रको लापबार्ही भएको आरोप मृतकका आफन्तले लगाएका छन ।
मृतकको शव पोष्टमार्टमका लागि जिल्ला अस्पताल पर्वतमा राखिएको छ।
प्रतिक्रिया दिनुहोस !
