ओम चाबो विरो ईन्डष्ट्रिज उद्योगमा मजदुरको मृत्यु
वीरगन्ज : बाराको परवानीपुरको चैनपुरस्थित ओम चाबो विरो ईन्डष्ट्रिज उद्योगमा कार्यरत एक भारतीय कामदारको मृत्यु भएको छ । उद्योगमा काम गर्ने भारत विहारको मोतीहारी नजिकै बेलहिया घर भएका २८ बर्षीय प्रकाश सिंहको मृत्यु भएको हो ।
शनिबार बिहान ८ बजेदेखि बेलुकी ८ बजेसम्म १२ घण्टा काम गरेका सिंह शनिवार राति खाना खाएर आफनै क्वाटरमा सुत्नुभएको थियो । आइतवार बिहान उठाउन जाँदा सिंह मृत अवस्थामा भेटिएको उद्योगका मजदुर गुडडु सिंहले जानकारी दिनुभयो । मजदुर सिंहलाई मृत देखेर उनका काका र कामदारहरुले कारखाना व्यवस्थापन पक्षलाई जानकारी गराएका थिए ।
खाना खाएर राम्रैसँग सुतेका व्यक्ति आइतवार बिहान अचानक मृत फेला परेपछि घटना रहस्यमय बनेको मजदुरहरुले बताएका छन । मजदुर सिंह मृत अवस्थामा भेटिएपछि मजदुरहरुले प्रहरीलाई जानकारी गराएपछि प्रहरीले उद्योग परिसरमा पुगेर घटनाबारे अनुुुसन्धान गरिरहेको प्रहरी चौकी परवानीपुरका प्रहरी नायव निरिक्षक रुपक मैनालले जानकारी दिनु भयो ।
शव पोष्टमार्टमको लागि नारायणी उपक्षेत्रीय अस्पताल वीरगन्जमा राखिएको छ ।
प्रतिक्रिया दिनुहोस !
