सवारी दुर्घटनामा तीन जनाको मृत्यु
धनगढीः धनगढी उपमहानगरपालिका-१५ मा पर्ने हुलाकी सडकको कनरी खण्डमा मोटर साईकल र बस एक आपसमा ठोक्किदा तीन जनाको मृत्यु भएको छ।
फुलबारीबाट धनगढीतर्फ आईरहेको से १ ख ५२८ नम्वरको बससंग बिपरीत दिशातर्फ गईरहेको से १ प ७८६० नम्बरको मोटरसाईकल ठोक्किदा मोटरसाईकलमा सवार तीनै जनाको मृत्यु भएको जिल्ला प्रहरी कार्यालय कैलालीका निमित्त प्रमुख डिएसपी बिरबहादुर बुढामगरले जानकारी दिनुभयो।
मोटरसाईकलमा सवार गौरीगंगा नगरपालिका ११ का दिपेन चौधरी र कैलारी नगरपालिका ८ का बिर बहादुर चौधरीको सेती अञ्चल अस्पताल पुर्याए लगत्तै मृत्यु भएको हो भने गम्भीर घाईते कैलाली थापापुरका आशीष चौधरीलाई उपचारका लागि लखनउ लैजाने क्रममा दुधवा नेशनल पार्कमा पार नगर्दै मृत्यु भएको प्रहरीले जनाएको छ।
तीनै जनाको शव सेती अञ्चल अस्पताल धनगढीमा राखिएको छ। चालकसहित बसलाई प्रहरीले नियन्त्रणमा लिएको छ।
प्रतिक्रिया दिनुहोस !
