काबुलमा कार बम आक्रमण, २४ को मृत्यु, ४२ घाइते
काबुल : अफगानिस्तानको राजनधानी काबुलमा एक आत्मघाती कार बम आक्रमणमा परी कम्तीका २४ जनाको ज्यान गएको छ । अफगानी अन्तरिम मन्त्री परिषदका प्रवक्ताले दिएको जानकारी अनुसार आक्रमणमा ४२ जना घाइते भएका छन् । विस्फोट गराइएको कार बम एक मन्त्रालयको कर्मचारी बोकेको ट्रकलाई लक्षित गरिएको थियो ।
सोमबार बिहान काबुलको पश्चिमी क्षेत्रमा गराइएको बम बिस्फोट कसले गराएको र कसलाई लक्षित गरी गरिएको भन्ने हालसम्म पुष्टि नभएको अफगानी अधिकारीहरुले बताएका छन्. । यद्यपी आक्रमणको जिम्मेवारी तालिवानले लिएको अलजजिराले जनाएको छ ।
सरकारी अधिकारी मोहमद मोहाक्वीकको घर नजिकै बिस्फोट भएकाले उनीप्रति लक्षित रहेको हुनसक्ने प्रहरीले अनुमान गरेका छन् । घटनापछि काबुलको सुरक्षा व्यवस्था कडा बनाइएको अफगान प्रहरीले बताएका छन्
काबुलमा गत मे मा भएको आत्मघाती आक्रमणमा परी १५० जना भन्दा बढीको ज्यान गएको थियो ।
प्रतिक्रिया दिनुहोस !
