९० एम्पुल लागुऔषध सहित एक पक्राउ
दमक: झापाको दमक बाट ठुलो परिमाणमा लागुऔषध सहित एक जना पक्राउ परेका छन्। ९० एम्पुल लागुऔषध सहित दमक १० का २४ बर्षीय केशव सुजी पक्राउ परेका हुन्।
इलाका प्रहरी कार्यालय दमकले सोमबार उनलाई पक्राउ गरेको प्रहरी नायव उपरीक्षक राजन लिम्बुले जानकारी दिए। उनको साथबाट प्रहरीले ३१ एम्पुल डाईजापाम, ३० एम्पुल फेनारगन र २९ एम्पुल लुपिजेसिक सहित पक्राउ गरेको इलाका प्रहरी कार्यालय दमकका प्रहरी निरीक्षक मिलन बस्नेतले जानकारी दिए।
उनका अनुसार सुजीलाई दमक ९ स्थित डेराबाट लागुऔषध बिक्रि वितरण गर्दै गरेको भन्ने गोप्य सूचनाका आधारमा पक्राउ गरिएको हो। सुजी यस अघि पनि लागुऔषध प्रयोग गर्दै गर्दा पक्राउ परेका थिए। उनका बिषयमा थप अनुसन्धान भईरहेको प्रहरीले जनाएको छ।
प्रतिक्रिया दिनुहोस !
