अफगानिस्तानले नेपाललाई दियो १९६ रनको चुनौती
काठमाडौं : अर्काे वर्ष न्युजिल्यान्डमा आयोजना हुने आईसीसी यू–१९ विश्व कप अन्तर्गत सिंगापुरमा जारी एसियाली छनोट खेलमा नेपाललाई अफगानिस्तानले १९६ रनको चुनौती दिएको छ ।
सिंगापुर क्रिकेट क्लबमा जारी खेलमा टस जितेर पहिले व्याटिङमा उत्रिएको अफगानिस्तानले ४६.५ ओभरमा अल आउट हुँदै विकेटको १९५ रन बनायो । अफगानिस्तानका लागि इबराइन जर्डनले सर्वाधिक १०१ रन बनाए ।
४४ औ ओभरको समाप्तिमा ६ विकेट गुमाएर १९० रनको अवस्थामा रहेको अफगानिस्तानले ४५ औं ओभरमा लगातार तीन विकेट गुमाउँदा उच्च स्कोर बनाउनबाट रोकियो । ४५ औ ओभरमा नेपालका लागि साहब आलमले तीन विकेट लिएका थिए । नेपालका लागि साहब आलमको ४ विकेट, दिपेन्द्र ऐरीको ३ विकेट लिए भने कप्तान सन्दिप लामिछानेले रोहितकुमार पौडेलले १-१ विकेट लिए।
यसअघि बिहीबार अफगानिस्तानसँगको खेलमा नेपाल १४१ रनले पराजित भएको थियो । अगानिस्तानले दिएको १९१ रनको लक्ष पछ्याउने क्रममा नेपालले २६ ओभरमा सबै विकेट गुमाइ ४९ रन मात्रै बनाउन सकेको थियो ।
प्रतिक्रिया दिनुहोस !
