माइक्रोबस ठोक्किदा २० घाइते (फोटो फिचर)
गजुरी (धादिङ): पृथ्वी राजमार्ग अन्तरगत धादिङको गजुरी गाउँपालिका वडा नं २ स्थित छहरामा २ माइक्रो बस एक ठक्कर खाँदा दुवै माइक्रोका २० जना घाइते भएका छन्।
काठमाडौँ बाट चितवन तर्फ जादै गरेको बा. ३ ख. ३८ नम्बरको र गोर्खा बाट काठमाडौँ तर्फ जादै गरेको ग. १ ज. ५८७० नम्बरको माइक्रो बस एकआपसमा ठोक्किएर दुर्घटना भएको हो।
दुर्घटनामा दुवै माइक्रोबसका चालक सहित २० जना यात्रु घाइते भएको इलाका प्रहरी कार्यलय गजुरीले जानकारी दिएको छ। घटना २ जनाको अवस्था गम्भीर रहेको र उनीहरुलाइ गजुरी अस्पतालमा सामान्य उपचार पछि थप उपचारको लागि काठमाण्डौ पठाइएको छ।
दुवै माइक्रोबस तीव्र गतीमा रहेका कारण दुर्घटना भएको हुनसक्ने र थप अनुसन्धान भइरहेको जिल्ला ट्राफिक प्रहरी कार्यलय गजुरीले जानकारी दिएको छ।
प्रतिक्रिया दिनुहोस !
